საკრებულოს თავმჯდომარის მოადგილე ჯაბა სამუშია აცხადებს, რომ “ბავშვთა სამყაროში” გაჩენილი ხანძრის შედეგად დაზარალებულები ერთჯერად კომპენსაციას მიიღებენ.
მისი თქმით, ჯერ ჯერობით ზუსტი თანხა უცნობია. კომპენსაციების საბოლოო ოდენობა უახლოეს დღეებში დაზუსტდება.
_ თვითმმართველობა ფიქრობს, რომ ამ ადამიანებთან მიმართებაში ერთჯერადი ფინანსური დახმარების სახით გარკვეული ფინანსური დახმარება აღმოუჩინოს. მე ვერ გეტყვით, კონკრეტულად რა რაოდენობის თანხა იქნება, თუმცა კომპენსაციის მიღებასთან დაკავშირებით გარკვეული შეღავათები არსებობს, _ განაცხადა ჯაბა სამუშიამ.