ბათუმის მერია ტროტუარის ნაწილს მასზე მშენებლობის უფლების პერსპექტივით ყიდის. ინფორმაციას „ბათუმელები“ ავრცელებს.
ბათუმში, ფიროსმანის ქ. N5ბ-ს მიმდებარედ, 212 კვ/მ მიწის ნაკვეთი პირობებიან აუქციონზეა გატანილი. აღნიშნული ნაკვეთი, ძირითადად, ფიროსმანის ქუჩის გასწვრივ მდებარე ტროტუარი და იქვე მოწყობილი ღია ავტოსადგომია. ნაკვეთის საწყისი ღირებულება 85 ათასი ლარია; ბიჯი – 2.000 ლარი.
აუქციონი 1 ივნისს დაიწყო და 14 ივნისს დასრულდება.
მერიაში ადასტურებენ, რომ ამ კონკრეტულ შემთხვევაში, ქონების შეძენით კონკრეტული კომპანიაა დაინტერესებული, თუმცა რომელი, ვერ დაასახელეს.