ყვარლის მუნიციპალიტეტის სოფელ ზინობიანში ერთმანეთს “ოპელისა” და ,”ბმვ,”-ს მარკის მსუბუქი ავტომანქანები შეეჯახა. არის მსხვერპლი. თვითმხილველების ინფორმაციით, გარდაცვლილია “ოპელში” მყოფი ადამიანი.
დაშავებულია 6 ადამიანი.
როგორც “ნიუპოსტს” შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ავტომობილის მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს და რამაც ადამიანის სიცოცხლის მოსპობა გამოიწვია.
დანაშაული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.