იტალიელების აღშფოთება გამოიწვია სოციალურ ქსელში გავრცელებულმა ცნობილი ამერიკელი მსახიობის სემუელ ჯექსონის და კალათბურთელ მეჯიკ ჯონსონის ფოტომ, რომლებიც იტალიის კურორტ ფორტ-დეი-მარმიში ისვენებენ. ფოტოზე ჩანს, რომ ისინი საყიდლებზე იყვნენ და ბრენდული ტანსაცმელი და ფეხსაცმელი შეიძინეს.
საქმე ისაა, რომ იტალიელებმა მსახიობი და კალათბურთელი ვერ იცნეს და ისინი მიგრანტებად მიიჩნიეს. ამის გამო სოციალურ ქსელში ცხარე მსჯელობა გაიმართა იმასთან დაკავშირებით, რომ მიგრანტები ქვეყნის მოსახლეობის ხარჯზე ფუფუნებაში ცხოვრობენ. ეს ფოტო Facebook-ზე იტალიელმა მოდელმა ნინა მორიჩმა განათავსა.
იმედინიუსი