დეკანოზ გიორგი მამალაძეს სასამართლო 9 წლით თავისუფლების აღკვეთა მიუსაჯა. განაჩენი რამდენიმე წუთის წინ გამოცხადდა.
განაჩენის გამოცხადების შემდეგ, დედა თამარ გამრეკელმა განაცხადა, აღნიშნული განაჩენით, სახელმწიფომ და ეკლესიამ გაწირა სასულიერო პირი.
– გუშინ გავრცელებული ჩანაწერების შემდეგ, იმედი მქონდა, რომ დადგებოდა გამამართლებელი განაჩენი. ძალიან მწყდება გული. სასულიერო პირი გაწირა სახლემწიფომ და გაწირა ეკლესიამ, – განაცხადა დედა თამარმა.
ნიუპოსტის კითხვაზე, უნდა ყოფილიყო თუ არა მეუფე დიმიტრი დღევანდელ სხდომაზე, დედა თამარმა განაცხადა, რომ მეუფე მისი სულიერი შვილის სხდომას აუცილებლად უნდა დასწრებოდა.
– რა თქმა უნდა, აუცილებლად უნდა ყოფილიყო. ძალიან მწყდება გული. მეუფე დიმიტრიმ სულიერი შვილი არ მოინახულა, – განაცხადა დედა თამარ გამრეკელმა.