– დღეს სწავლა დაგვეწყო, ცოტა ვმხიარულობდით, პატივცემულო, უცბად, ისეთი ცივი წყალი დაგვესხა თავზე, გვეგონა, საყინულე დაგვეცა, – ეუბნებოდნენ მოზარდები პატრულის თანამშრომლებს.
სტალინის გამზირზე, მესამე სართულზე მცხოვრებმა ქალმა საპატრულო პოლიცია ღამის 2 საათზე გამოიძახა.
– ინიციატორი აცხადებს, რომ თქვენ ხმაურობდით, ყვიროდით და აწუხებდით მძინარე ხალხს, – განუმარტეს პატრულის თანამშრომლებმა მათ.
მოზარდები აცხადებდნენ, რომ საზეიმო განწყობილების გამო, მღეროდნენ.
ვიდრე პოლიცია ახალგაზრდებისგან ახსნა-განმარტებებს ისმენდნენ, ორი ეკიპაჟის წევრებიდან, ერთ-ერთი ცდილობდა ,,ინიციატორთან” დაკავშირებას, რომელიც მათ ტელეფონზე აღარ პასუხობდა.
ქართლი.გე