მეუღლისა და შვილის მკვლელობისთვის მსჯავრდებულმა მაგდა პაპიძემ შეწყალების თხოვნით შესაძლოა პრეზიდენტს მიმართოს.
ამასთან დაკავშირებით გაზეთ „პრაიმტაიმთან“ მსჯავრდებულის დამ, ლანა პაპიძემ, ისაუბრა. მისი თქმით პრეზიდენტისთვის შეწყალების თხოვნით მიმართვა დანაშაულის აღიარებას არ ნიშნავს:
– დღეს ჩემი და არის მსხვერპლი, რომელსაც მოუკლეს ქმარ-შვილი და რომელსაც უსაშინლესი ცილი დასწამეს. სწორედ ამიტომ, პრეზიდენტმა, იმის მიუხედავად, ვინ რას ფიქრობს, უნდა მიიღოს გადაწყვეტილება უდანაშაულო ქალის შეწყალების შესახებ.
ჩემი და არჩადენილ დანაშაულს ვერ აღიარებს. პრეზიდენტისთვის მიმართვა არ ნიშნავს რაიმეს აღიარებას. შეისწავლოს საქმე პრეზიდენტმა და თავად დარწმუნდება ყველაფერში, – აცხადებს ლანა პაპიძე.
პრაიმ-ტაიმი