თბილისში, ტაშკენტის ქუჩაზე მაღაზია დააყაჩაღეს. ადგილობრივებმა რამდენიმე გასროლის ხმაც გაიგეს.
ერთ-ერთი მოქალაქე მაღაზიაში წყლის საყიდლად შევიდა და ყაჩაღობის ფაქტს შეესწრო.
ადგილზე ამ წუთებში შინაგან საქმეთა სამინისტროს თანამშრომლები მუშაობენ. ტაშკენტის 23 ნომერში სასწრაფო-სამედიცინო დახმარების ბრიგადაც გამოჩნდა.
თავდამსხმელმა სავარაუდოდ გაქცევა მოასწრო. როგორც “ნიუპოსტს” შინაგან საქმეთა სამინისტროში განუცხადეს, ბრალდებულის ვინაობა დადგენილია და მის დასაკავებლად ოპერატიულ-სამძებრო ღონისძიებები მიმდინარეობს.
უწყებაში აცხადებენ, რომ მომხდარის შედეგად არავინ დაშავებულა. ბრალდებულებმა გარკვეული რაოდენობის თანხის წაღება შეძლო.