თბილისში, აეროპორტის გზაზე 3 მანქანა შეეჯახა ერთმანეთს. ავტოსაგზაო შემთხვევის შედეგად 6 ადამიანი მსუბუქად დაშავდა.
თვითმხილველების ინფორმაციით, ადგილზე მობილიზებულია სახანძრო, სამედიცინო და საპატრულო ეკიპაჟები.
“პირველს” შს სამინისტროში უთხრეს, რომ დაშავებულები ამ ეტაპისთვის საავადმყოფოში გადაჰყავთ.
ფაქტზე გამოძიება საქართველოს სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით.
პირველი