ზუგდიდის რაიონის სოფელ ახალაბასთუმანში ქვის საამქრო დააყაჩაღეს.
აღნიშნული საამქრო ყოფილი “ტყის ძმების” მეთაურის, დათო შენგელიას კუთვნილებაა.
წაღებულია 8.000 ლარამდე.
მომხდარზე გამოძიება საქართველოს სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს. სამინისტროში განმარტავენ, რომ მომხდართან დაკავშირებით ინტენსიური საგამოძიებო მოქმედებები მიმდინარეობს.
179-ე მუხლი (ყაჩაღობა) გულისხმობს თავდასხმას სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის ან ჯანმრთელობისათვის საშიში ძალადობით ან ძალადობის გამოყენების მუქარით. ისჯება თავისუფლების აღკვეთით ვადით ხუთიდან შვიდ წლამდე.
ნიუპოსტი