თბილისის საქალაქო სასამართლოში ქრთამის აღების ფაქტზე დაკავებული მერიის ყოფილი მაღალჩინოსანის ოთარ აბესაძის სასამართლო პროცესი ამ წუთებში იწყება. როგორც დაცვის მხარე ამბობს, დღეს სამხარაულის ექსპერტიზის ბიუროს მიერ ჩატარებული კვლევის შედგებს წარადგენს.
– დასკვნის საფუძველზე აღკვეთის ღონისძიების შეცვლას და პროცესის დახურვას მოვითხოვთ. როგორც ვიცი, ბრალდების მხარეც რამდენიმე მოწმის წარმოდგენას აპირებს. ექსპერტი ცალსახად მიუთითებს, რომ აბესაძის დახურულ სივრცეში ყოფნა მისი დაავადებისთვის დამამძიმებელი და მაპროვოცირებელია, – განაცხადა პროცესის დაწყებამდე ადვოკატმა, ლილი გელაშვილმა.
მისი განცხადებით, ექსპერტიზის დასკვნის საფუძველზე მოსამართლემ აბესაძეს აღკვეთის ღონისიძება უნდა შეუცვალოს.
– თუ მოსამართლემ ძალაში პატიმრობა დატოვა, სასამართლო ძალიან არასამართლიანი იქნება, – აცხადებს გელაშვილი.
შეგახსენებთ, რომ მერიის ყოფილი თანამშრომელი, ოთარ აბესაძე მიმდინარე წლის 12 ივნისს, ქრთამის აღების ფაქტზე დააკავეს.
ნიუპოსტი