ბაღდათის რაიონის ყოფილ გამგებელს, ნიკოლოზ ჟვანიას, საირმის გზაზე ხუთი ადამიანი დაესხა თავს და ფიზიკურად სასტიკად გაუსწორდა. მისი მდგომარეობა მძიმეა და დაზარალებული საავადმყოფოში იმყოფება.
ქრონიკასთან საუბარში, ნიკოლოზ ჟვანია ამ ინციდენტს ბიზნეს-დავას უკავშირებს და ხელს ყოფილ მაჟორიტარს, თემურ კოხოძეს ადებს.
თავად კოხოძე მომხდართან რაიმე კავშირს კატეგორიულად უარყოფს.
თემურ კოხოძე თეგეტა მოტორსის ერთ-ერთი მეპატრონე და მისი გენერალური დირექტორია.
საქმეზე პოლიციამ გამოძიება უკვე დაიწყო.