15 იანვარს საკუთარ სამუშაო კაბინეტში მოკლულ სამსონ ქუთათელაძის საქმეზე გამოძიება დასკვნით ეტაპზეა.
ამის შესახებ ინფორმაციას, შინაგან საქმეთა მინისტრი, გიორგი გახარია ავრცელებს.
მინისტრის თქმით, საქმეზე კონკრეტული შედეგები უახლოეს მომავალში იქნება.
– სამსონ ქუთათელაძის საქმეზე გამოძიება დასკვნით ეტაპზეა გასული და უახლოეს პერიოდში გვექნება კონკრეტული შედეგები ამ დანაშაულთან მიმართებაში,- განაცხადა შინაგან საქმეთა მინისტრმა გიორგი გახარიამ “საზოგადოებრივი მაუწყებლის” პირდაპირ ეთერში.
გენერალი სამსონ ქუთათელაძე საკუთარ სამუშაო კაბინეტში 15 იანვარს მოკლეს. მომხდარზე ამ დრომდე აქტიური საგამოძიებო მოქმედებები მიმდინარეობს.