– ტურისტულ ბაზარზე თუ ერთხელ რამე გაფუჭდა, მერე ძნელია გამოსწორება,- ამის შესახებ სილქ როუდ გრუპის უძრავი ქონების მიმართულების ხელმძღვანელი გიორგი მარრი აცხადებს.
მისი თქმით, სახანძრო უსაფრთხოების მიმართულებით რეგულაციების შემოღება მას შემდეგ გადაწყდა, რაც ამ მიმართულებით რამდენიმე უბედური შემთხვევა მოხდა.
– ტურისტული ბაზარი იმ სპეციფიკით გამოირჩევა, რომ თუ ერთხელ რაიმე გაფუჭდა, მერე ძნელია გამოსწორება. თავიდანვე უნდა ყოფილიყო ამაზე ყურადღება მიქცეული, მაგრამ ეხლაც არ არის გვიანი, – აცხადებს გიორგი მარრი.
მისივე თქმით, სანამ სახანძრო უსაფთხოების ნორმებზე დაიწყებოდა საუბარი, „სილქ როუდი“ მაღალი სახანძრო უსაფრთხოების სტანდარტებით აშენებდა ობიექტებს, რაც მათს პროდუქციას აძვირებდა.
– მაშინ, როდესაც ჩვენი კომპანია ცდილობდა თავიდანვე მაღალი ხარისხის პროდუქტი შეეთავაზებინა ბაზრისთვის, ხდებოდა ისე, რომ ჩვენი პროდუქტი უფრო ძვირი იყო, ვიდრე სხვა მომწოდებლების პროდუქტი. ეს არათანაბარ პირობებში გვაყენებდა სხვა მიმწოდებლებთან მიმართებით. თუმცა, ამ მიმართულებით გარკვეული ცვლილებები არის,- აცხადებს გიორგი მარრი.
ბიზნესმედია