ხაშურელ ია გელაშვილს ერაყში გული გაუჩერდა – “ორი პატარა შვილი დატოვა, ვერც გამოეთხოვა ბოლო წუთებში”

სოციალურ ქსელში ქართველი ემიგრანტის გარდაცვალების შესახებ წერენ.

გავრცელებული ინფორმაციით, დაღუპული 37 წლის, ია გელაშვილია, რომელიც ერაყში სამუშოდ იმყოფებოდა და მოულოდნელად გულის შეტევით გარდაიცვალა.

გთავაზობთ საფრანგეთში მცხოვრები დიანა ჭანკოტაძის პოსტს, რომელიც ახალგაზრდა ქალის შესახებ წერს.

“გუშინ, ერთი ხაშურელი ახალგაზრდა ქალი გარდაიცვალა ემიგრაციაში.გული გაუჩერდაო. ორი პატარა შვილი დატოვა, ისე რომ ვერც კი გამოეთხოვა ბოლო წუთებში. მე არ ვიცნობდი, მაგრამ წარმოვიდგინე რა არის ეს. გუშინ ერთმა ქალბატონმა იტალიიდან შუაღამისას მომწერა, ვგიჟდები, კედლებს ველაპარაკები,შვილები მენატრება და თუ შიეძლება ვილაპარაკოთო. სადღაც ჩემი სტატია წაუკითხავს და უნდოდა დარდის გაზიარება. თბილისიდანაც დამიმეგობრდა ასაკოვანი ქალბატონი, ქალიშვილი და სამი შვილიშვილი წამივიდა საფრანგეთში, ვერ ვუძლებ მათ მონატრებას, წლებია ვერ ვნახულობ, ვერც ვუმხელ, რომ არ ინერვიულონ და თანდათან ვკვდები უიმათოდო. წარმოიდგინეთ,რამდენი ქალი წავიდა იძულებით ემიგრაციაში. ვინმეს ნეტავ დაუთვლია? მათ დატოვეს ყველაზე ძვირფასი, სამშობლო კი არა, არამედ შვილები, დედები. რამდენი ქართველი ქალი დაბერდა ასაკზე ადრე დღე და ღამ ტირილში. რამდენმა ქალმა იგრძნო ტკივილი რომელსაც სახელიც არ გააჩნია. ამ ქალებს არა საკუთარი სურვილით, არამედ გამოუვალი მდგომარეობით და შვილების გამოკვების მიზეზით დაერქვათ ემიგრანტები. სულელი თუ წავა თბილი სახლიდან და სულელი თუ მოხსნის პირს გემრიელ კერძს საკუთარ კერაზე მომზადებულს. გვასულელებენ.ვისაც იგივე არ გაუვლია ვერც გაიგებს,სამაგიეროდ თავს უფლებას მისცემს გააკრიტიკოს. მე არ გამივლია ემიგრანტობის ამგვარი გზა, მაგრამ ვგრძნობ და მტკივა, რადგანაც არაერთი ასეთი ქალია ჩემს გარშმო, ბევრი მათგანი საკუთარი ნათესაობიდან. დატოვებული მეც მყავს, ჩემს გზას მომზირალი მოხუცი ბებო…

ბოლო დროს საქართველოში ძალიან მოდური გავხდით ემიგრანტები. ყველა კონტექსტში მოსაშველიებელი და საინტერესო. ვიღაც ამისთვის იყენებს ჩვენს სახელს და ვიღაც იმისთვის, სახლისგზა აბნეულებს ახლა თავგზასაც გვიბნევენ და ერთ-ორს გამოსდის კიდეც, მაგრამ ბოლო კვირაა ბატონი კვიციანის წამოწყებამ გამიტაცა და ბოლოჯერ მინდა ამ საკითხზე აზრის გამოთქმა. მისი ცენტრი ჯერ ხუმრობა მეგონა, შემდეგ უბრალოდ სახალისო ამბავი და თურმე “ქართული ემიგრაციის დემოგრაფიული და ეკომონიკური ცენტრიც” ამასობაში ოფიციალურად გაიხსნა და ანგარიშის ნომერიც ძალაშია.

მერწმუნეთ, საერთოდ არ გვაღელვებს დემოგრაფიის საკთხი ემიგრანტებს, უკვე ისე გავმრავლდით და მოვმრავლდით უცხო ქვეყნებში ქართველები, რომ ამ ქალაქის ქუჩებში გასულს ხანდახან თავი საქართველოში მგონია. მეორეს მხრივ, თქვენი ცენტრი ხომ სხვის ხარჯზე ცხოვრებას ასწავლის ხალხს, მაგას არ ჯობდა დასაქმების ცენტრი გაგეხსნათ, შრომა შეაყვარეთ ხალხს და არა სხვის ჯიბეში ყურება.

მთავარი კითხვა, რატომ დაგვცინით ბატონო ემიგრანტებს?

არ გეკადრებათ არც თქვენ და მითუმეტეს ჩვენ, ჩვენ უკვე დემოგრაფიულ საკითხ მოგვარებულებს, ორი, სამი და თქვენ წარმოიდგინეთ ოთხი საოცარი ქართველი შვილით, სამშობლოში დაბრუნება უფრო გვჭირდება და იქნებ ამგვარ ცენტრზე გეფიქრათ? ნამდვილად გადმოვრიცხავდით ვისაც რა შეგვიძლია იმ თანხებს აქედან, იმისთვის რომ პატარა შვილებს დედები ემიგრაციაში გულის გაჩერებამდე,შინ დაბრუნებოდათ.

პ.ს მეგობრები მირჩევენ ნუ წერო, მაინც რა იცი რა ხდებაო, სანამ არ ვწერთ და ჩუმად ვართ, რიგ ადამიანებს ჰგონიათ რომ გენიალურ ინოვაციას მიაკვლიეს და ამავდროულად დღითიდღე გადის ქვეყნიდან ხალხი ემიგრაციაში. როცა სწორია უნდა შეაქო, მაგრამ როცა იცი რომ არასწორია, არ უნდა შეგეშინდეს,უნდა თქვა, თუ შენი ქვეყანა და ხალხი გიყვარს, იმიტომ რომ ყოველთვის მხოლოდ ეს ორი ზარალდება. ინოვატორებს კი კიდევ და კიდევ ახალი იდეები იპყრობთ.”

ნიუპოსტი

დატოვეთ თქვენი კომენტარი