საქართველოს ეკონომიკის მინისტრმა გიორგი ქობულიამ „ტვ იმედის“ ეთერში საბანკო რეგულაციებზე ისაუბრა.
მინისტრის თქმით, დაკვირვების შემდეგ, აღნიშნულ რეგულაციებში საჭიროების შემთხვევაში შეიტანენ კორექტორებას:
„დაკვირვების შედეგებზე დამყარებით, შევიტანთ კორექტირებას თუ იქნება ეს საჭირო ამ რეგულაციებში. რაც მთავარია, ჩვენი თვითონ რეგულაციების ვექტორი არ შეიცვლება, გენერალური მიმართულება იქნება ისეთი, როგორიც არის დღეს. რა გადაწყვეტილებაც მივიღეთ, ჩვენ ამას არ გადავუხვევთ. ჩვენ არ გვჭირდება ხალხი, რომელიც კრედიტს მიიღებს იმისთვის, რომ მაცივარი იყიდოს ან ტელევიზორი იყიდოს და ამის მერე შავ სიაში მოხვდეს“, – განაცხადა ქობულიამ.