ტრაგედია მეტროში – ბიჭი, რომელიც დიდი სიჩქარით მომავალი მატარებლის ლიანდაგებში გადახტა, 20 წლის გიორგი ბადალაშვილია.
დაღუპულის ოჯახის წევრები შოკში არიან. ბიჭის ახლობლები კი აცხადებენ, რომ გიორგი გულჩათხრობილი ადამიანი იყო და არასდროს ამბობდა, რა აწუხებდა.
“თავისთვის მარტო, გულჩათხრობილი ადამიანი იყო, არასდროს ამბობდა, რა აწუხებდა, არ ვიცით მიზეზი, თუ რატომ ჩაიდინა ეს” – ამბობს გიორგი ბადალაშვილის ახლობელი.
გიორგი ბადალაშვილი საქართველოს ეროვნული უნივერსიტეტის სტუდენტი იყო. თვითმხილველები ყვებიან, რომ ბიჭი საბედისწერო ნაბიჯამდე მეტროსადგურში საეჭვოდ იქცეოდა და ნერვიულობდა. მოქალაქეების თქმით, ის სადგურში მატარებლის შესვლას ელოდა, ხოლო, როდესაც ლიანდაგებში გადახტა, მემანქანემ დამუხრუჭება ვეღარ მოასწრო.
ტრაგიკული შემთხვევის გამო დღეს მეტროს მუშაობა პარალიზებული იყო. ოთხი სადგური, რომელიც მგზავრთა განსაკუთრებული ნაკადით გამოირჩევა, თითქმის სამი საათის განმავლობაში დაკეტეს. ადგილზე გამომძიებლების და ექსპერტ-კრიმინალისტების რამდენიმე ჯგუფი მუშაობდა.
მომხდარ ტრაგიკულ შემთხვევაზე შინაგან საქმეთა სამინისტრომ გამოძიება თვითმკვლელობამდე მიყვანის მუხლით დაიწყო.
ნიუპოსტი