ოკუპირებული აფხაზეთის შსს-ს თანამშრომლებმა უშიშროების სამსახურის თანამშრომლებთან ერთად, 2019 წლის 22 ნოემბერს, სოხუმში სამი პირის მკვლელობაში ეჭვმიტანილი პირი დააკავეს.
დაკავებული ერიკ ჭკადუაა, რომელზეც ძებნა 2019 წლის 9 დეკემბერს გამოცხადდა. ერიკ ჭკადუა დღეს სოხუმში, დაახლოებით 17:30 საათზე ვორონოვის ქუჩაზე მდებარე ერთ-ერთ სახლში დააკავეს.
დაკავების დროს ერიკ ჭკადუა დაჭრეს.
მას ბრალად ედება ე.წ. კანონიერი ქურდების – ალხაზ ავიძბას და ასტამურ შამბას მკვლელობა. დომინიკა აკირთავა რესტორნის თანამშრომელი იყო, რომელიც მძიმედ დაიჭრა და საავადმყოფოში გარდაიცვალა.
დაკავებული შსს-ს დროებითი მოთავსების იზოლატორშია გადაყვანილი.
დანაშაული გასული წლის 22 ნოემბერს სოხუმში, რესტორან „სან-რემოში“ მოხდა, რა დროსაც ე.წ. კანონიერი ქურდები დაცხრილეს.
აღნიშნული საქმის გამო, 2 დეკემბერს თანამდებობები დაატოვებინეს აფხაზეთის დე ფაქტო შინაგან საქმეთა მინისტრსა და მის მოადგილეს, ე.წ. გენერალურ პროკურორსა და მის მოადგილეს.