ე.წ. „რიყის დოქები” მეხუთე მცდელობაზეც ვერ გაიყიდა. აუქციონი 12 იანვარს დასრულდა. სახელმწიფო ქონების ეროვნულმა სააგენტომ “რიყის დოქები” მეხუთედ აუქციონზე გასული წლის 29 დეკემბერს გამოიტანა. ამჯერად, დაახლოებით, 17 მლნ ლარით ნაკლებად – 30 მლნ ლარად.
პირობების თანახმად, რადგან საპრივატიზებო მიწის ნაკვეთი ქალაქის კულტურული მემკვიდრეობის დამცავ ზონაში მდებარეობს, შესაბამისად, ტერიტორიის განვითარების კონცეფციის ესკიზი (პროექტი) კულტურული მემკვიდრეობის დაცვის საბჭოსთან უნდა შეთანხმდეს. სააგენტოს “რიყის დოქები” ბოლოს – 47.5 მლნ ლარად მაისში ჰქონდა გამოტანილი, თუმცა აუქციონი უშედეგოდ დასრულდა და დაუმთავრებელი “რიყის დოქები” ისევ ვერ გაიყიდა.
„რიყის დოქების” გასაყიდი ფასი აუქციონებზე: 2021 წელს 4 თებერვალი – 5 მარტი: 71.250.000 ლარი; 30 მარტი – 15 აპრილი: 71.250.000 ლარი; 29 აპრილი – 17 მაისი: 47.500 000 ლარი.