გარემოს ეროვნული სააგენტოს ინფორმაციით, 9 აპრილამდე ქვეყნის ტერიტორიის უმეტეს ნაწილზე მოსალოდნელია შედარებით თბილი და უმეტესად უნალექო ამინდი.
7 და 9 აპრილს ზემო იმერეთში, კოლხეთის დაბლობზე და გორი – სურამის მონაკვეთზე იქროლებს აღმოსავლეთის მიმართულების ძლიერი ქარი.
დღეს ჰაერის ტემპერატურა დღის საათებში დასავლეთ საქართველოს დაბლობში +19, +24, ხოლო 7 – 9 აპრილს +23, +28 გრადუსია მოსალოდნელი.
7 აპრილამდე აღმოსავლეთ საქართველოს ბარში ჰაერის ტემპერატურა მოსალოდნელია +14, +19 გრადუსი, 8 აპრილიდან კი +18, +23 გრადუსამდე მოიმატებს.
თბილისში უმეტესად უნალექო ამინდია მოსალოდნელი. ჰაერის ტემპერატურა 5 – 7 აპრილს დღის საათებში +16, +18, ხოლო 8 – 9 აპრილს +18, +20 გრადუსი დაფიქსირდება.