„მთავარი არხის“ მეწილე შპს საქართველოს უნივერსიტეტი გახდა. ამის შესახებ პრაიმ ტაიმი იუწყება.
როგორც საჯარო რეესტრის ოფიციალურ გვერდზე გამოქვეყნებულ დოკუმენტში ვკითხულობთ, შპს საქართველოს უნივერსიტეტი ტელეკომპანიის 2%-ანი წილის მფლობელი გახდა. თავის მხრივ კი, საქართველოს უნივერსიტეტის 37,5%-ანი წილის მფლობელი საქართველოს მესამე პრეზიდენტის, მიხეილ სააკაშვილის დედა, გიული ალასანიაა, 12,5%-ის – ნიკოლოზ ალასანია, ხოლო 50%-ის – მანანა სანაძე.
ამჟამად „მთავარი არხის“ წილები შემდეგნაირად არის გადანაწილებული:
51% – ნიკა გვარამია;
42% – კახაბერ ანჯაფარიძე;
2,5% – გიორგი რურუა;
2,5 % – მარი ანა რურუა;
2% – შპს საქართველოს უნივერსიტეტი.