თბილისის ზღვის ჰოსპიტლის 2 თანამშრომელს კორონავირუსი დაუდასტურდა

თბილისის ზღვის ჰოსპიტლის 2 თანამშრომელს კორონავირუსი დაუდასტურდათბილისის ზღვის ჰოსპიტლის 2 თანამშრომელს კორონავირუსი დაუდასტურდა. ამის შესახებ თბილისის ზღვის ჰოსპიტლის კრიტიკული მედიცინის დეპარტამენტის უფროსმა, მარეხი ბექაიამ ჟურნალისტებს განუცხადა.

მისი თქმით, ამჟამად კლინიკაში 50 პაციენტი მკურნალობს, მათგან მართვით სუნთქვაზე არცერთი  არ იმყოფება და მათი დისლოკაცია მოხდება პროფილური კლინიკების მიხედვით.

„ჩვენ კლინიკის 2 მედპერსონალს დაუდასტურდა კორონავირუსი, მათი მდგომარეობა მსუბუქია, თუმცა ისინი გადაყვანილი არიან პირველ საუნივერსიტეტო კლინიკაში. ეპიდემიოლოგებთან შეთანხმებით, გუშინ შეჩერებული იყო პაციენტების მიღება კლინიკაში, სანამ მომსახურე პერსონალის ტემპერატურა არ განისაზღვრა

ვისთანაც მედპერსონალს შეხება ჰქონდა, ყველა გადაყვანილია კარანტინში. მათ შორის ის პაციენტებიც, ვისთანაც ისინი მუშაობდნენ, თუმცა მათი მომსახურეობის არეალი მცირეა უფლება-მოვალეობებიდან გამომდინარე. ამ შემთხვევების ეპიდემიოლოგიური კვლევა მიმდინარეობს“, – განაცხადა მარეხი ბექაიამ.