ოდესის ოლქის ყოფილი გუბერნატორი მიხეილ სააკაშვილი ოდესაში საკუთარ მხარდამჭერებს შეხვდა. შეხვედრა „პრიმორსკი ბულვარში“ ადგილობრივი დროით 16:00 საათზე დაიწყო, სადაც სააკაშვილის ასობით თანამოაზრე იყო შეკრებილი. სააკაშვილმა მხარდამჭერებს სიტყვით მიმართა და ოდესაში დაპატიჟებისთვის მადლობა გადაუხადა. გარდა ამისა, სააკაშვილი შეკრებილებს შეპირდა, რომ უკრაინაში არსებულ ბოროტ რეჟიმს დაამარცხებს. სააკაშვილმა მოსახლეობას მადლობა იმისთვისაც გადაუხადა, რომ ის არ დაივიწყეს. ყოფილი გუბერნატორის […]
კიევში საკანალიზაციო ჭაში თავმოჭრილი მამაკაცის ცხედარი იპოვეს. პოლიცია ვარაუდობს, რომ მამაკაცი, რომლის ასაკიც 35-დან 40 წლამდეა, 4-5 დღის წინ არის მოკლული. ცხედარს პირადობის დამადასტურებელი ვერანაირი დოკუმენტაცია ვერ აღმოუჩინეს. პოლიცია მოკლულის ვინაობის დადგენას ცდილობს.
უკრაინაში, სტაროკონსტანტინოვის რაიონში, სამხედრო თვითმფრინავი ჩამოვარდა. შემთხვევის ადგილზე მაშველები მუშაობენ. უკრაინის საჰაერო ძალების პრესსამსახურის განცხადებით, Л-39-ის ჩამოვარდნისას, ორი პილოტი დაიღუპა. ავიაკატასტროფის მიზეზები ჯერჯერობით უცნობია. ნიუპოსტი
მოსკოვში, საკუთარი სახლის სადარბაზოში ოპოზიციის ერთ-ერთი ლიდერი, „კორუფციის წინააღმდეგ ბრძოლის ფონდის“ დამფუძნებელი ალექსეი ნავალნი დააკავეს. ამის შესახებ პოლიტიკოსმა სოციალურ ქსელში დაწერა. მისი თქმით, დაკავებისას, სამართალდამცავებს მიზეზი არ დაუსახელებიათ და არ იცის, რატომ აიყვანეს. აღსანიშნავია, რომ ოპოზიციონერი ნიჟნი ნოვგოროდში არასანქცირებულ მიტინგზე უნდა გამგზავრებულიყო. რუსეთის შსს-მ ნავალნის დაკავება დაადასტურა და მიზეზად არასანქცირებულ მიტინგზე მისი დასწრების სურვილი დაასახელა. […]
28 სექტემბერს, უცნობი პირები უკრაინის ქალაქ ჩერკასის საკრებულოს წევრს მიხაილ ბინუსოვს დაესხნენ თავს. ბინუსოვი ცეცხლსასროლი იარაღით მოკლეს. როგორც მიხეილ სააკაშვილი წერს, ბინუსოვის მკვლელობამდე სამი დღით ადრე, ის მას შეხვდა. “სამი დღის წინ ძალიან საინტერესო ჩეხვედრა მქონდა, ქალაქ ჩერკასის საკრებულოს ფრაქციის ლიდერებთან. შეხვედრაზე იყო ჩემი სეხნია, მიხაილ ბინუსოვი უკროპიდან. ის დარდობდა, რომ ჩერხასი ბანდიტებმა დაიკავეს და […]
თურქეთის პოლიციამ საქართველოს სამი მოქალაქე დააკავა. ინფორმაციას ადგილობრივი მედია ავრცელებს. თურქულ მედიაში დაკავების ამსახველი ვიდეომასალაც გავრცელდა. ბრალდების მიხედვით, მამაკაცები ქუჩაში მიმავალ ქალს თავს დაესხნენ და მობილური ტელეფონის წართმევა სცადეს. დაზარალებულმა მომხდარი ინციდენტის შესახებ სამართალდამცველებს დაუყოვნებლივ შეატყობინა. გამომძიებლებმა ეჭვმიტანილები სათვალთვალო კამერების ჩანაწერების შესწავლის შედეგად დააკავეს. დაზარალებულმა დაკავებულები ამოიცნო. ინტერპრესნიუსი
გერმანიაში უცნობი მამაკაცი მილიონობით ევროს ითხოვს, წინააღმდეგ შემთხვევაში, გერმანიასა და ევროკავშირის სხვადასხვა ქვეყანაში სუპერმარკეტებში განთავსებული საკვების მოწამვლით იმუქრება, – ამის შესახებ „როიტერს“ გერმანიის პოლიციაში განუცხადეს. მათივე ცნობით, ამ დრომდე მოწამვლის არც ერთი ფაქტის შესახებ არ არის ცნობილი. პოლიციაში აღნიშნეს, რომ დამნაშავემ მუქარა ელექტრონული ფოსტით მას შემდეგ გაავრცელა, რაც ჯერ კიდევ სექტემბრის დასაწყისში, გერმანიის სამხრეთით ზოგიერთ […]
რუსეთმა საკონტინენტთაშორისო ბალისტიკური რაკეტა “ტოპოლ-მ” გამოსცადა. რაკეტა ასტრახანის პოლიგონ “კაპუსტინ იარიდან” გაუშვეს და მიზანს ყაზახეთის პოლიგონზე “სარი-შაგანში” დაარტყა. რაკეტის გაშვებისთანავე რუსეთის სამხრეთ რეგიონში მაცხოვრებლებმა სოციალურ ქსელებში ამოუცნობი მფრინავი ობიექტის შესახებ დაიწყეს ინფორმაციის გავრცელება. რაკეტის ნახვის შესაძლებლობა ჰქონდა სომხეთისა და აზერბაიჯანის მოსახლეობასაც. რუსეთმა რაკეტა 26 სექტემბრის საღამოს გამოსცადა. პირველი
არაბთა გაერთიანებული საამიროების ავიაკომპანია Etihad Airways პილოტი აბუ-დაბი-ამსტერდამის ავიარეისის შესრულების დროს თვითმფრინავის ბორტზე გარდაიცვალა. შემთხვევის გამო, თვითმფრინავმა კურსი შეიცვალა და საგანგებო დაშვება ქუვეითში განახორციელა. პილოტის გარდაცვალების მიზეზი ჯერჯერობით უცნობია. პირველი
ქაბულის საერთაშორისო აეროპორტზე თავდასხმაზე პასუხისმგებლობა ტერორისტულმა ორგანიზაცია „თალიბანმა“ აიღო. ტელეკომპანია Tolo News–ის ცნობით ,ტერორისტებს პენტაგონის ხელმძღვანელის ჯეიმს მეტისის მოკვლა სურდათ. ქაბულში დღეს პენტაგონის შეფი ჯეიმს მეტისი და ნატოს გენმდივანი ხელისუფლებასთან მოსალაპარაკების მიზნით ჩავიდნენ. მათი ჩასვლის შემდეგ აეროპორტზე სარაკეტო დარტყმები განხორციელდა. აეროპორტის მიმდებარე ტერიტორიაზე 20-30 რაკეტა ჩამოვარდა. ამ დრომდე დაშავებულების შესახებ ინფორმაცია არ გავრცელებულა. აეროპორტში ყველა რეისი გაუქმდა, განხორციელდა ხალხის ევაკუაცია. […]