დღეს საქართველოს მასშტაბით იწვიმებს, ზოგან ძლიერად. ამის შესახებ “პირველს” გარემოს ეროვნული სააგენტოს მოკლევადიანი პროგნოზების სამმართველოში უთხრეს.
სინოპტიკოსების ცნობით, ჩრდილო მაღალმთიან ზონაში თოვლია ნავარაუდევი.
ჰაერის ტემპერატურა დაიკლებს. დასავლეთ საქართველოში 10-15 გრადუსია მოსალოდნელი, აღმოსავლეთში – 12-17 გრადუსი.
დღეს თბილისშიც უმეტესად ღრუბლიანი ამინდი და წვიმაა ნავარაუდევი. ჰაერის ტემპერატურა 15 გრადუსამდე გათბება.
გარემოს ეროვნული სააგენტოს ცნობით, ზღვაზე 3-4-ბალიანი ღელვაა მოსალოდნელი. ძლიერმა ნალექებმა შესაძლებელია ცალკეულ მდინარეებზე წყალმოვარდნები და მეწყრულ-ღვარცოფული პროცესების ჩასახვა-გააქტიურება გამოიწვიოს.
ქვეყნის მასშტაბით 5 ოქტომბრიდან გამოიდარებს. დასავლეთ საქართველოში ტემპერატურა 23-28 გრადუსამდე მოიმატებს, აღმოსავლეთში – 18-23 გრადუსამდე.
4 ოქტომბერს საქართველოში მაქსიმალური ტემპერატურა 1918 +29.1 გრადუსი დაფიქსირდა, მინიმალური – 1914 წელს +4.2 გრადუსი.