დაუზუსტებელი ინფორმაციით, ბათუმში სასტუმრო ,,ლეო გრანდში“ გაჩენილი ხანძრის შედეგად გარდაცვლილთა რიცხვი 18-მდე გაიზარდა. ათეულობით დაშავებული კლინკაშია გადაყვანილი.
ადგილზე იმყოფება პრემიერი კვირიკაშვილი, რომელიც ბრიუსელიდან პირდაპირ ბათუმში ჩაფრინდა.
შსს-ს ინფორმაციით, ამ ეტაპზე, მიმდინარეობს გარდაცვლილების იდენტიფიცირება. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე, სასტუმროს თანამშრომლები. სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილი არიან ბათუმის კლინიკებში.
სასტუმრო “ლეო გრანდში” გაჩენილ ხანძართან დაკავშირებით, მოქმედებს მართვის ცენტრი, რომელსაც საპატრულო პოლიციის დეპარტამენტის აჭარის მთავარი სამმართველოს უფროსი, ლევან მაისურაძე ხელმძღვანელობს. მოქალაქეებისთვის მოქმედებს ცხელი ხაზი: 595950925.
ნიუპოსტი