ამ წუთებში თბილისის 51-ე საჯარო სკოლასთან სოლიდარობისა და მხარდაჭერის აქცია მიმდინარეობს. შეკრების მთავარი მიზანი მოკლული მოსწავლეების ოჯახებისადმი სოლიდარობის გამოცხადება და გამოძიების პროცესისადმი ჯანსაღი ინტერესის გამოხატვაა.
სკოლის მიმდებარე ტერიტორიას ანთებული სანთლებითა და ყვავილებით ამკობენ.
4 დეკემბერს კიდევ ერთი აქციაა დაგეგმილი 51-ე სკოლასთან. ხვალ ახალგაზრდები მდუმარე აქციით გააპროტესტებენ მომხდარს.
1 დეკემბერს თბილისის ცენტრში, ვერაზე ორი არასრულწლოვანი დაჭრეს. ერთი მოზარდი საავადმყოფოში მიყვანამდე გარდაიცვალა. 2 დეკემბერს მეორე მოზარდიც გარდაიცვალა.
შინაგან საქმეთა სამინისტროს ინფორმაციით, ხორავას ქუჩაზე მომხდარი ინციდენტის გამო 2001 წელს დაბადებული პირი განზრახ მკვლელობის ბრალდებით დააკავეს. მკვლელობაში ბრალდებულებისთვის პროკურატურა პატიმრობის მოთხოვნას აპირებს.
იმედინიუსი