თემირლან მაჩალიკაშვილის დედის განცხადებით, მისი შვილი ტყუილად მოკლეს და ის ამ საქმეს ასე არ დატოვებს. მედიკო მარგოშვილმა კომენტარი საავადმყოფოსთან მისი შვილის გარდაცვალების ამბის გაგების შემდეგ გააკეთა.
– ამას ისე არ დავტოვებ, ვინც დამნაშავეა სათითაოდ მოვუღებ ბოლოს თუ ცოცხალი ვიქნები, დღეს დილით გადაგვყავდა და სპეციალურად მომიკლეს შვილი ამ სადისტებმა და ფაშისტებმა, არაფრის გულისთვის, – განაცხადა თემირლან მაჩალიკაშვილის დედამ.
თემირლან მაჩალიკაშვილი 26 დეკემბერს პანკისში ჩატარებული სპეცოპერაციისას მძიმედ დაიჭრა. სპეცრაზმელის მიერ ნასროლი ტყვია მას თავში მოხვდა. ის დღემდე მძიმე კომატოზურ მდგომარეობაში იმყოფებოდა.
ნიუპოსტი