პაპუა-ახალი გვინეის სანაპიროებთან 6,4 მაგნიტუდის მიწისძვრა მოხდა. მიწისქვეშა ბიძგები ადგილობრივი დროით, დილის 04.17 საათზე დაფიქსირდა ქალაქ ლორენგაუდან 115 კილომეტრში. მიწისძვრის ეპიცენტრი 10 კილომეტრის სიღრმეში იყო. მსხვერპლისა და ნგრევის შესახებ ინფორმაცია არ ვრცელდება. აშშ-ის გეოლოგიური სამსახური იუწყება, რომ ცუნამის საშიშროება არ არის. ნიუპოსტი
აშშ-ს შტატ ტეხასს თავს ქარიშხალი „ჰარვი“ დაატყდა. ქარის სიჩქარე 215 კმ/სთ-ს აღემატებოდა. სტიქიას 3 ადამიანი ემსხვერპლა. 350 ათასზე მეტი ადამიანი ელექტროენერგიის გარეშეა დარჩენილი. ქარიშხალმა დაანგრია სახლები, დაზიანებულია ინფრასტრუქტურა. ექსპერტების შეფასებით, შტატისთვის მიყენებული ზიანის აღდგენას წლები დასჭირება. სინოპტიკოსები შტატში კოკისპირულ წვიმებს და წყალდიდობებს ელიან.ამჟამად ქარიშხლის მიერ მიყენებული ზიანის სალიკვიდაციო სამუშაოები მიმდინაროებს. დონალდ ტრამპმა შტატი სტიქიური უბედურების […]
„ისლამური სახელმწიფოს“ ტერორისტებმა რომის პაპი მორიგ სამიზნედ გამოაცხადეს. ამის შესახებ ვატიკანის სახელმწიფო მდივანმა პიეტრო პაროლინმა განაცხადა, – წერს Daily News. მისივე თქმით, შესაბამისი ვიდეომიმართვა ტერორისტების მიმდევრების Telegram–არხზე აიტვირთა, რომელშიც რადიკალები იტალიას ტერაქტების მოწყობას პირდებიან. სახელმწიფო მდივანმა ასევე აღნიშნა, რომ ვატიკანში უსაფრთხოების ზომები ისედაც უმაღლეს დონეზეა დაცული და არ აპირებენ მის გაძლიერებას. პირველი
აშშ-ის პრეზიდენტმა ტეხასის შტატი სტიქიური უბედურების ზონად გამოაცხადა. ტრამპმა ეს განკარგულება არიაზონაში ქარიშხალ „ჰარვის“ წინააღმდეგ ფედერალური ძალების გამოყენების საჭიროების გამო გამოსცა. სტიქიის ზონიდან უკვე ევაკუირებულია 10.000 ადამიანი. ინფორმაციას BBC ავრცელებს. „ტეხასის გუბერნატორის მოთხოვნის საფუველზე გამოვეცი განკარგულება შტატის სტიქიურ ზონად გამოცხადების შესახებ, რათა შესაძლებელი გახდეს საჭიროების შემთხვევაში ფედერალური ძალების გამოყენება“, დაწერა Twitter-ზე აშშ-ის პრეზიდენტმა. „ქარიშხალმა უკვე მიაღწია მეოთხე კატეგორიას […]
ლონდონში ბუკინგემის სასახლის წინ ხმლით შეიარაღებულმა მამაკაცმა ორი პოლიციელი დაჭრა. სკოტლანდ იარდის ცნობით, თავდამსხმელი დაკავებულია. დედოფალი თავდასხმის დროს სასახლეში არ იმყოფებოდა. სამართალდამცველების სიცოცხლეს საფრთხე არ ემუქრება. ‘ ცოტა ხნით ადრე ანალოგიური თავადასხმა ბრიუსელშიც მოხდა. მაჩეტეთი შეიარაღებულმა პირმა 2 სამხედრო დაჭრა.
რუსეთის ეკონომიკური განვითარების მინისტრის მაქსიმ ორეშკინის გავლენა და პოლიტიკური წონა გაიზარდა, მას პრეზიდენტი პუტინი უჭერს მხარს. ამის შესახებ Bloomberg–ზე დღეს გამოქვეყნებულ სტატიაშია ნათქვამი. გავლენიანი სააგენტო პუტინის შეხედულებების კარგად მცოდნე სამ მაღალჩინოსანზე დაყრდნობით წერს, რომ ორეშკინი „პუტინის ფავორიტად გაიზარდა“. Bloomberg–ის რესპონდენტები აცხადებენ, რომ ეკონომიკის ამჟამინდელი მინისტრი გაცილებით გავლენიანია, ვიდრე მისი ნებისმიერი წინამორბედი. ამის დასადასტურებლად სააგენტო იხსენებს, […]
აზერბაიჯანის პირველი პრეზიდენტი აიაზ მუთალიბოვი ქვეყნის პირველი ლედის, პირველი ვიცე–პრეზიდენტის მეჰრიბან ალიევას კანდიდატურას საპრეზიდენტო არჩევნებზე წამოყენებას მიესალმება. – მე არ ვგეგმავ პოლიტიკური პარტიის შექმნას. თუმცა, დადებითად ვუყურებ მეჰრიბან ალიევას მონაწილეობას საპრეზიდენტო არჩევნებში. მე სრულ მხარდაჭერას ვუცხადებ მეჰრიბან ალიევას კანდიდატურას. თუ ის დააყენებს თავის კანდიდატურას, მე მივმართავ ერს პრეზიდენტად მის ასარჩევად, – განაცხადა აზერბაიჯანულ მედიასთან ინტერვიუში […]
ავღანეთის დედაქალაქ ქაბულში მდებარე ერთ-ერთ მეჩეთზე „ბოევიკებმა“ თავდასხმა განახორციელეს. აღნიშნულის შესახებ სააგენტო ToloNews ავღანეთის შს სამინისტროზე დაყრდნობით იუწყება. თვითმხილველების თქმით, იმამ ზამანის მეჩეთის ტერიტორიაზე აფეთქებასა და სროლას ჰქონდა ადგილი. თავდასხმის შემდეგ, პოლიციამ მეჩეთის მიმდებარე ტერიტორია გადაკეტა. მიმდინარეობს სპეცოპერაცია. როგორც ავღანეთის შს სამინისტროს წარმომადგენელმა განაცხადა, თავდასხმა სამმა ან ოთხმა პირმა განახორციელა. ერთ-ერთმა მათგანმა თავი აიფეთქა. ინციდენტის […]
რუსეთში, კრასნოდარის მხარეში ავტობუსი ზღვაში გადავარდა, რის შედეგადაც 13 ადამიანი დაიღუპა. რუსული მედიის ცნობით, ავტობუსში სულ 20 ადამიანი იმყოფებოდა. ამ დროისთვის 2 გადარჩენილის შესახებ ვრცელდება ინფორმაცია. ავტობუსს ერთ-ერთი საწარმოს, ტამანნეფტეგაზის, თანამშრომლები გადაჰყავდა, რომლებიც სამსახურიდან ბრუნდებოდნენ. ავტობუსი ზღვაში სოფელ ვოლნაში გადავარდა.
ნატო-ს გენერალური მდივნის კორტეჟი ვარშავაში გუშინ ღამით ავარიაში მოყვა. პოლიციის ავტომობილს, რომელიც იენს სტოლტენბერგის კორტეჟს აცილებდა, გზაჯვარედინზე სატვირთო ავტომობილი დაეჯახა. სამართალდამცველების ინფორმაციით, ავარიის შედეგად დაიმტვრა ესკორტის რამდენიმე ავტომობილი. მანქანა, რომელშიც ნატო-ს გენერალური მდივანი იმყოფებოდა, არ დაზიანებულა. ინცინდენტის შემდეგ 4 დაშავებული საავადმყოფოში გადაიყვანეს, მათ შორის ორი პოლიციელია.