კიევის ცენტრში მიხეილ სააკაშვილის მხარდამჭერებსა და სამართალდამცველებს შორის დაპირისპირება გრძელდება. დაპირისპირება ევროპის მოედანთან ხდება. როგორც უკრაინული მედია იუწყება, სამართალდამცველებმა ცრემლსადენი გაზი გამოიყენეს. ასევე მობილიზებულია დამატებითი დანაყოფები. აქტივისტები იმ მანქანასთან მიახლოვებას ცდილობენ, რომელშიც მიხეილ სააკაშვილი იმყოფება. ადგილზე ასევე იმყოფებიან რადას დეპუტატები. მიხეილ საკაშვილი დღეს დილით დააკავეს.
მიხეილ სააკაშვილის დაკავებას კრემლში ეხმაურებიან. რუსეთის პრეზიდენტის ვლადიმერ პუტინის პრესმდივნის დიმიტრი პესკოვის განცხადებით, აღნიშნული ფაქტი უკრაინის თავის ტკივილია. „ჩვენ ინტერესით ვადევნებთ თვალს, რაც უკრაინაში ხდება. რა თქმა უნდა, ეს უკრაინის თავის ტკივილია. ალბათ, ასეთს მტერსაც არ ვუსურვებ. თუმცა, რა თქმა უნდა, უკრაინელ ხალხს მტრებად არ მივიჩნევთ“, – განაცხადა პესკოვმა.
კიევში, მიხეილ სააკაშვილის ერთ-ერთმა მომხრემ თავის დაწვა სცადა, თუმცა მას, ამის საშუალება მას სამართალდამცველებმა და იქ შეკრებილმა აქტივისტებმა არ მისცეს. როგორც უკრაინული ტელეარხი NewsOne იტყობინება, ინციდენტი სააკაშვილის დაკავებამდე მოხდა. ის გაზსადენის მილზე ავიდა და თავის დაწვით იმუქრებოდა. შეგახსენებთ, მიხეილ სააკაშვილის საცხოვრებელ სახლთან დილიდან სპეცრაზმია მობილიზებული. სააკაშვილი ჩხრეკისას სახლის სახურავზე ავიდა და ხალხსა და სპეცრაზმს სახურავიდან მიმართა. სააკაშვილი […]
საქართველოს ყოფილი პრეზიდენტის, მიხეილ სააკაშვილის მეუღლე, სანდრა რულოვსი უკრაინაში სააკაშვილის დაკავებას სოციალურ ქსელ ”ფეისბუქში” ეხმაურება. – როგორც უკვე ცნობილია, პოროშენკომ დღეს კიევის ცენტრში, საცხოვრებელ ბინაში, განახორციელა ჩემს მეუღლეზე თავდასხმა. ჰგონიათ, რომ ეს არის თვეების მანძილზე მიმდინარე პოლიტიკური დევნის დასასრული, მაგრამ სინამდვილეში ახლა იწყება ნამდვილი ბრძოლა, უკრაინაში და საქართველოში! – წერს სანდრა რულოვსი. მიხეილ სააკაშვილი კიევში […]
გავრცელებული ინფორმაციით, სააკაშვილის დაკავების საქმეზე, უკრაინის მთავარი პროკურორი იური ლუცენკო საგანგებო განცხადების გაკეთებას გეგმავს. ვრცელდება ინფორმაცია, რომ პროკურორის განცხადება სკანდალური იქნება.
მიხეილ სააკაშვილი დააკავეს. სამართალდამცველებმა ის რამდენიმე წუთის წინ, საკუთარი სახლიდან აიყვანეს. თუმცა ინფორმაცია ჯერჯერობით ოფიციალურად არ არის დადასტურებული. უკრაინული მედიის ინფორმაციით, სავარაუდოდ ამ წუთებში მიმდინარეობს ბრალის წაყენების პროცედურა, სააკაშვილი ადვოკატების შეშვებას ითხოვს თუმცა მათ შესვლის შესაძლებლობას არ აძლევენ. დილიდან მის სახლთან მობილიზებული იყო უკრაინის უსაფრთხოების სამსახურის სპეცრაზმიადგილზე ასევე შეკრებილები იყვნენ სააკაშვილის თანაგუნდელები და უფლებადამცველები. სპეცრაზმი […]
მიხეილ სააკაშვილი, რომელიც მის ბინაში ჩხრეკის გამო შენობის სახურავზე ავიდა, გადმოხტომით იმუქრებოდა, – იუწყება უკრაინული სააგენტო LB.ua-ს კორესპონდენტი შემთხვევის ადგილიდან. უკარიანულ მედიაში გავრცელებულ ვიდეომასალაში ასევე ჩანს, რომ სააკაშვილის ბინასთან იმყოფება უკრაინის უსაფრთხოების სამსახურის სპეცრაზმი. ასევე ადგილზე იმყოფებიან სააკაშვილის ადვოკატები.
უკრაინის გენერალური პროკურორის ყოფილი მოადგილის დავით საყვარელიძის განცხადებით, იმ ბინის კარებს, რომელშიც მიხეილ სააკაშვილი იმყოფება, სპეცრაზმი ამტვრევს. ამის შესახებ დავით საყვარელიძემ „ფეისბუქის“ პირად გვერდზე დაწერა. „მიხეილ სააკაშვილის სახლში კარებს ამტვრევენ! კოსტიოლნის ქუჩა, ბინა 32, ვიკრიბებით!“ – დაწერა მან. დავით საყვარელიძეს თქმით, მიხეილ სააკაშვილი შენობის სახურავზე იმყოფება. ბინაში ჩხრეკა მიმდინარეობს.
სოფლის მეურნეობის მინისტრის, ლევან დავითაშვილის განცხადებით, საფუძველს მოკლებულია ინფორმაცია იმის შესახებ, რომ სოფლის მეურნეობის და გარემოს დაცვის სამინისტროები შესაძლოა აღარ გაერთიანდეს. ასე უპასუხა დავითაშვილმა კითხვას იმის შესახებ, არის თუ არა იმის ალბათობა, რომ აღნიშნული უწყებები აღარ გაერთიანდეს. – ეს გადაჭარბებულია. უმრავლესობაში მიდიოდა მსჯელობა ამასთან დაკავშირებით. ჩვენ შევაჯერებთ პოზიციებს, თუმცა ასეთი ინფორმაცია მართლაც მოკლებულია საფუძველს, რომ […]
„ქართული ოცნების“ ოფისში საქართველოს პრემიერ-მინისტრის გიორგი კვირიკაშვილის, პარლამენტის თავმჯდომარის ირაკლი კობახიძისა და სუს-ის ხელმძღვანელის ვახტანგ გომელაურის შეხვედრა მიმდინარეობს. შეხვედრა რამდენიმე საათის წინ დაიწყო. არსებული ინფორმაციით, შეხვედრის მთავარი თემა მთავრობაში სტრუქტურული ცვლილებებია. პრემიერ-მინისტრი პარლამენტის თავმჯდომარესთან აღნიშნული საკითხის დეტალებს განიხილავს, თუმცა დეტალები უცნობია.