ტერაქტი მოხდა სომალის დედაქალაქ მოგადიშოში მდებარე სამხედრო ბაზასთან. ავტომობილი, რომელსაც თვითმკვლელი ტერორისტი მართავდა, ბაზიდან გამოსულ სამხედრო კოლონაში შეჭრას ცდილობდა, თუმცა ავტომობილი იქვე მიმავალ სამოქალაქო პირთა მიკროავტობუსთან აფეთქდა, რის შედეგადაც მიკროავტობუსში მყოფი ცამეტივე ადამიანი დაიღუპა. ტერაქტზე პასუხისმგებლობა ჯერჯერობიT არცერთ დაჯგუფებას აუღია. სავარაუდოდ, ტერორისტი სომალიში ისლამური სახელმწიფოს ეგიდით მოქმედი დაჯგუფება ალ შაბაბის წარმომადგენელი იყო.
პოლონეთის ქალაქ სვებოძიცეში საცხოვრებელი სახლის ჩამონგრევას 6 ადამიანის სიცოცხლე ემსხვერპლა. დაღუპულთა შორის 2 ბავშვია. ადგილზე სახანძრო და სამაშველო სამსახურები არიან მობილიზებული. მაშველებმა ნანგრევებიდან რამდენიმე ადამიანის ამოყვანა უკვე შეძლეს. მეხანძრეების თქმით, შენობაში 2 სართული ჩამოინგრა. ტრაგედიის გამომწვევი ზუსტი მიზეზი ამ დრომდე უცობია, თუმცა მეხანძრეები მომხდარს ბუნებრივი აირის გაჟონვას უკავშირებენ. სახლში, რომელშიც აფეთქება მოხდა, 18 მცხოვრები იყო რეგისტრირებული.
დღეს, 9 აპრილს, ეგვიპტეში ტაძრები ააფეთქეს. დილით აფეთქება მოხდა ეგვიპტის ქალაქ ტანტეში კოპტურ ტაძარში. მას 30 ადამიანი ემსხვერპლა, 70-ზე მეტი კი დაშავდა. მოგვიანებით ეგვიპტის უსაფრთხოების სამსახურმა აფეთქებაში ეჭვმიტანილი დააკავა. მამაკაცი ეკლესიის მახლობლად იმყოფებოდა. ის პოლიციის განყოფილებაში გადაიყვანეს. რამდენიმე საათის შემდეგ კი აფეთქება ქალაქ ალექსანდრიაში, ერთ-ერთ ეკლესიასთან მოხდა. აფეთქების შედეგად 6 ადამიანი დაიღუპა, 40 კი დაშავდა. […]
ელექტრო და სამგზავრო მატარებლების შეჯახების შედეგად, მოსკოვში რამდენიმე ადამიანი დაშავდა. მათგან 11 საავადმყოფოებშია გადაყვანილი. ამის შესახებ რუსული მედია სამაშველო სამსახურზე დაყრდნობით წერს. კლინიკაში გადაყვანილთა შორის, ერთი ბავშვია. რუსული მედიის ცნობით, სულ დაშავებულია 23 ადამიანი. სარკინიგზო ავარიის მიზეზად სახელდება მამაკაცი, რომელმაც ლიანდაგზე გადაირბინა, რის გამოც, ელექტრო მატარებელმა მკვეთრად დაამუხრუჭა.
1 ადამიანი დაიღუპა და 20 დაშავდა კაპადოკიაში, სადაც ტურისტებით სავსე საჰაერო ბურთი ჩამოვარდა. გამოცემა Hurriyet-ის ცნობით, დაღუპული ფრანგი ტურისტია. დაშავებულები საავადმყოფოში გადაიყვანეს. შემთხვევა ქალაქ ნევშეჰირთან მოხდა. 1tv.ge
ამერიკის ადმინისტრაცია იმედგაცრუებულია რუსეთის რეაქციით აშშ-ის მიერ სირიის რეჟიმის წინააღმდეგ სამხედრო ძალის გამოყენებასთან დაკავშირებით. აღნიშნულის შესახებ აშშ-ის სახელმწიფო მდივანმა რექს ტილერსონმა განაცხადა. აშშ-ის სახელმწიფო მდივანმა ყურადღება გაამახვილა რუსეთის ოფიციალური პირების კომენტარზე, რომ აშშ-ის ქმედება „სუვერენული სახელმწიფოს წინააღმდეგ აგრესიას წარმოადგენს“. _ მე იმედგაცრუებული ვარ რუსეთის პასუხით, ვინაიდან, ეს პასუხი იმაზე მიუთითებს, რომ ისინი აგრძელებენ ასადის რეჟიმის […]
სტოკჰოლმის პოლიციამ დღევანდელი ტერაქტის საქმეზე 2 ადამიანს კითხავს. ამის შესახებ ინფორმაციას „Aftonbladet“ აქვეყნებს. _ პოლიციამ დასაკითხად ორი პირი დააკავა, თუმცა სხვა ინფორმაციას პოლიცია არ ავრცელებს, _ ნათქვამია გამოცემის ინფორმაციაში. მანამდე, სააგენტო „როიტერმა“ გაავრცელა ინფორმაცია, რომ შვედეთის პოლიციამ იმ ადამიანის ფოტო გამოაქვეყნა, რომელიც მათი ვერსიით, დაკავშირებულია სტოკჰოლმში დღეს მომხდარ თავდასხმასთან. როგორც ცნობილია, სატვირთო ავტომანქანა სტოკჰოლმის ცენტრში ადამიანების […]
რუსეთის სამხედრო გემი ხმელთაშუაზღვის აღმოსავლეთ ნაწილში შევიდა და აშშ-ის იმ ორი რაკეტმზიდისკენ მიემართება, რომლებიდანაც გამთენიისას სირიის მიმართულებით სარაკეტო დარტყმები განხორციელდა. ამის შესახებ „ფოქს ნიუსი“ იუწყება. ამერიკის თავდაცვის ერთ-ერთი წარმომადგენლის განცხადებით, რუსულმა ფრეგატმა „ადმირალი გრიგოროვიჩი RFS-494“ ბოსფორის სრუტე რამდენიმე საათის წინ დატოვა. რუსული სამხედრო გემი „კალიბრის“ ტიპის ფრთოსანი რაკეტებით არის აღჭურვილი.
_ რუსეთი ინფორმირებული იყო აშშ-ის მიერ სირიაში საჰაერო დარტყმების განხორციელებაზე. ამის შესახებ განაცხადა რუსეთის პრეზიდენტის პრესმდივანმა დიმიტრი პესკოვმა. _ ინფორმაციის გაცვლის არხებით ჩვენ მივიღეთ ინფორმაცია საჰაერო დარტყმების განხორციელებაზე. თუმცა პრეზიდენტ პუტინისთვის არავის დაურეკავს, _ განუცხადა ჟურნალისტებს დიმიტრი პესკოვმა. პესკოვის თქმით, ოფიციალურმა მოსკოვმა აშშ-ის მიერ სირიაში განხორციელებული საჰაერო დარტყმები როგორც მოკავშირეს წინააღმდეგ ჩადენილი აგრესიის აქტი, ისე […]
აშშ-მ სირიაზე სამხედრო იერიში განახორციელა. როგორც ცნობილი გახდა, ასადის რეჟიმის წინააღმდეგ ვაშინგტონმა 59 ე.წ Tomahawk-ის ტიპის შორი რადიუსის რაკეტა გამოიყენა. საჰაერო თავდასხმები ჰომსში მდებარე ალ შარიათის სამხედრო ბაზაზე, ხმელთაშუა ზღვიდან მოხდა, სადაც ორი ხომალდია განთავსებული. ვაშინგტონმა იერიშები სირიაზე მას შემდეგ განახორციელა, რაც იდლიბის მოსახლეობის წინააღმდეგ, სავარაუდოდ, სირიის ხელისუფლებამ ქიმიური იარაღი გამოიყენა. სისხლიან თავდასხმას 72 ადამიანი […]